Прејадувањето е една од најлошите навики во исхраната. Иако можеби не сме свесни за нив, постојат повеќе причини и навики, кои доколку се потрудиме да ги избегнеме, нема да се доведуваме во ситуација да се прејадуваме. Прескокнувањето на еден од оброците, а особено појадокот е една од нив. Иако тоа понекогаш се чини како добра идеја за намалување на телесната тежина, сепак, во моментот кога ќе дојде време за следниот оброк ќе бидеме толку гладни што ќе се прејадеме со сигурност.
Заради тоа нутриционистите препорачуваат задолжително да се појадува, а во текот на денот да се изедат уште најмалку два оброка. Кога се јаде треба да се седне на маса. Јадењето пред телевизор е уште една причина за прејадување. Штом филмот е во фокусот на вниманието, а не храната, задолжително се јаде повеќе отколку што е потребно. Истото важи и за јадењето пред компјутер. Мејловите можат да почекаат, храната има предност.
Сервирањето во помали чинии е поедноставно и поисплатливо, бидејќи никогаш нема да можете да ставите повеќе храна од она што ви е потребно. Вообичаено се препорачува со оброкот да не се пијат течности. Доколку ручавте и уште ви се јаде, почекајте половина час и напијте се вода. Ќе заклучите дека всушност сте биле жедни, а не гладни.
Освен трите главни оброци и ужината не е грев. Не сите грицки се лоши, па помеѓу ручекот и вечерата може да изедете овошје без да имате грижа на совест.
