Негативни страни
Намалување/зголемување на килограмите
Кафето на различни начини влијае на организмот, а меѓу нив е и привременото потиснување на апетитот. Ова значи дека со откажувањето од кафе, можеби ќе ви се врати апетитот, па со самото тоа и ќе се здебелите. Меѓутоа, стручњаците докажале дека кафето, особено она со шеќер, го подигнува нивото на шеќер за речиси 10%, што значи дека доколку би престанале да пиете кафе можеби и ќе ослабнете после некое време, бидејќи ќе внесувате помалку шеќер.
Чести главоболки
Со оглед на тоа дека со прекинување на кафето, организмот го лишувате од доза адреналин и допамин, на кој е навикнат, што доведува до почести главоболки, бидејќи тие делуваат како природни стимуланси и не држат будни, а наместо тоа ќе го чувствувате влијанието на аденозин – хормон кој е задолжен за одрмор и замор, што предизвикува промени во мозокот. Ако сакате да ја избегнете оваа последица, најдобро е постепено да се откажувате од кафето, односно секојдневно да ја намалувате дневната доза.
Лоша концентрација и лошо расположение
Кога ќе престанете да пиете кафе можно е да имате чувство на замор и раздразливост, заради што и концентрацијата ќе ви опадне. Научниците преку истражувања дошле до заклучок дека со гума за џвакање со вкус на ментол најлесно ќе се ослободите од овој проблем.
Позитивни страни
Поквалитетен сон
Една од позитивните страни од откажувањето на кафе е и поквалитетен сон. Стручњаците докажале дека кафето може негативно на влијае на сонот. На некои луѓе не им делува кафето и можат веднаш по консумирањето да заспијат, но тоа ќе им влијае на квалитетот на сонот.
Поубава насмевка
Уште една позитивна страна без кафе е и поубавата насмевка. Со оглед на тоа дека кафето е кисело, многу лошо влијае на забите, односно на нивиниот изглед, но и на здравјето. Доколку престанете да пиете кафе, забите ќе ви бидат побели.
Ќе бидете посмирени
Кафето е напиток кој најчесто го пиеме кога сакаме да останеме будни, сконцентриани и активни. Меѓутоа, кофеинот е стимуланс кој природно помага во нивото на адреналин и хормоните на стресот во телото, заради што ќе се чувствувате посмирени и помалку анксиозно кога ќе престанете да пиете кафе.
