Сте донеле голема и важна одлука во животот, да ги оставите цигарите. Но, мора да знаете дека работата е само половично завршена. Треба да го исчистите организмот од никотинот, а за тоа ќе ви помогнат неколку намирници
Спанаќ
Фолната киселина е многу важна за нормална работа и развој на телото, но исто така му помага да се ослободи од никотинот. Спанаќот содржи големи количини на фолна киселина.
Брокули, карфиол и зелка
Зеленчукот од семејството зелки е многу здрав. Покрај тоа што содржи полифеноли кои се покажале како корисни за намалување на различни воспаленија на дигестивниот систем, исто така содржи и антиоксиданти кои го чистат телото од бројни токсини. Варете ги што пократко, за да ги зачувате сите хранливи материи.
Зелен чај и витаминска вода
Со пушењето организмот ги губи потребните течности и многу брзо може да дехидрира. Пиењето големи количини домашна витаминска вода и зелен чај, исполнет со антиоксиданти, ќе помогне да се исчисти никотинот од вашето тело.
Моркови
Никотинот ја уништува кожата и ја прави безживотна и сува. Ако сакате цигарите да не остават трага на вашето лице, јадете колку што можете повеќе моркови. Тие содржиат големи количини на витамини А, К, Ц и Б, кои се главни чистачи на телото. Можете да правите салати или мешани сокови со јаболко и лимон.
Киви, лимон и портокал
Освен водата, пушењето исто така ги уништува и витамините А, Ц и Е, чија улога е да го зајакнуваат имунитетот и да му помагаат на телото да се бори против разни инфекции и бактерии. За да се надоместат пијте лимонади или јадете киви. Сок од портокал исто така го хидрира телото, ги обезбедува потребните витамини и го чисти телото од никотинот.
