Доколку се престанале да пушите или сте страствен пушач, најбрз начин да го исчистите телото од никотин е со помош на овие намирници.
Спанаќ – Фолната киселина е многу важна за нормалното функционирање и развој на телото, но исто така му помага на организмот да се ослободи од никтоинот. Во спанаќот се наоѓа огромен процент на фолна киселина.
Брокула, карфиол и зелка – Зеленчукот од фамилијата зелки е многу здрав. Освен што содржи полифеноли кои се покажале корисни во намалувањето на различни воспаленија во дигестивниот систем, исто така содржи и антиоксиданти кои го чистат телото од токсини. Гответе го што е можно пократко време за да ги задржи своите својства.
Зелен чај и витаминска вода – Со пушењето телото ја губи потребната количина на течност, па организмот многу побрзо доаѓа во состојба на дехидрација. Со консумирање на витаминска вода што сами може да ја подготвите (во еден литар вода, додатете било кое овошје и оставете да отстои најмалку еден час), како и зелен чај кои изобилуваат со антиоксиданти се чисти никотинот од телото.
Морков – Никотинот ја уништува кожата и ја прави безживотна и сува. Ако сакате да се ослобите од оваа несакана нуспојава на пушењето, јадете повеќе морков. Тој содржи големи количини на витамините А, К, Ц и Б кои се главни чистачи на телото. Можете морковот да го исцедите во соковник во комбинација со јаболка и лимон, или едноставно да го искомбинирате во салата.
Киви, лимон и портокал – Освен водата, со пушењето од телото се исфрлаат и витамините А, Ц и Е кои го јакнат имунитетот и му помагаат на организмот да се бори против разни инфекции и бактерии. За да ги надоместите изгубените витамини, посегнете по киви или испијте чаша лимонада. Сокот од портокал го хидрира телото, му ги обезбедува сите потребни витамини, но и го чисти од никотинот. Исцедете два портокала, додадете малку вода и испијте меѓу оброците.
