Не е мал бројот на оние кои почнуваат да ’рчат во одреден период од животот. За среќа, постои решение. Хирургот за уво, нос и грло, доктор Мајк Дилкес вели дека ’рчењето е навика која не ја бираме, но можеме да работиме на тоа да се одвикнеме од неа. Дилкес предлага да ги следите овие вежби од три чекори за да ги отворите ноздрите и непречено да дишете пред одење на спиење. За оваа рутина потребни ви се само неколку минути.
Вежби на грлото
Подигнете го јазикот и притиснете го на непцето допирајќи ги малку предните заби. Држете го јазикот во оваа положба неколку секунди, па повторете ја вежбата.
Кажете „А“
Замислете дека сте на забар и изговарајте ја буквата „А“ 20 секунди. Ова би требало да ги отвори дишните патишта.
Извадете го јазикот (плазете се)
Извадете го јазикот надвор и вдишете длабоко. Додека издишувате испуштете воздишка како да се борите да дојдете до здив.
Доколку и ова не помага појдете на лекар. Може да помогне и заштитата за заби или брада.
