По неумереното консумирање алкохол веројатно чувствувате главоболка, мачнини и останати непријатни симптоми на мамурлак. Најсилниот мамурлак се јавува околу 14 до 15 часа по почетокот на пиење на алкохол, по насобирање на производите создадени со метаболизмот на алкохолот, како што е млечната киселина.
СИМПТОМИ
- Главоболка, мачнина, вртоглавица, раздразнетост, жед и замор – кои се јавуваат најчесто по будење, а после консумирање на преголема количина на алкохол
- Напнатост, бледило, треска, повраќање, киселини, несигурен од, губење на апетитот
Секундарните производи од ферментацијата на алкохолот ги засилуваат последиците на мамурлакот. Џинот и вотката имаат многу мала количина од тие производи, додека се поприсутни во пенливото вино или во вискито. Црното вино, исто така предизвикува мамурлак бидејќи содржи тирамин, состојка која може да предизвика многу силни и тешки главоболки.
ИМАТЕ ПОТРЕБА ОД ЛЕКАРСКА ГРИЖА:
- Доколку се сомневате дека сте станале или сте во опасност да станете зависни од алкохол.
- Зависноста од алкохол е последица на вашето настојување да ги ублажите непријатните последици на мамурлакот со консумирање на нови количини на алкохол
Времето е единствен лек за повремениот мамурлак, иако неговите симптоми може да се ублажат со помош на некои домашни рецепти, како расолница, поголема доза на витамин Ц, но водата е дефинитвно најголемиот сојузник. Но, ако често патите од мамурлак, речиси сигурно станува збор за злоупотреба на алкохол, за што е потребно да се побара стручна помош.
НАЈПРОВЕРЕНИ ПРИРОДНИ ЛЕКОВИ ЗА МАМУРЛАК!
- ВОДА
Пијте колку што е можно повеќе обична вода. Во водата можете да додадете свежо исцеден сок од лимон и мед, кој е добредојден за полесно „неутрализирање“ на алкохолот во крвта.
- ЧАЕВИ
Задолжително обидете се да си пoмогнете со чаеви. Особено се препорачуваат чаеви од нане и ѓумбир.
- ЦЕДЕН СОК
Ќе ви помогнат и свежо исцедените сокови. На пример, сок од портокал, јаболко или грејпфрут, а, секако, пијте и сок од домати.
- НЕ ПРЕТЕРУВАЈТЕ СО КАФЕ
Кафето традиционално се смета за „лек“, со чија помош брзо живнуваме по претерувањето со алкохол, но експертите предупредуваат дека кофеинот е диуретик кој дополнително го „суши“ организмот.
- ТРАДИЦИОНАЛЕН РЕЦЕПТ
Расолница е докажан популарен домашен рецепт за отстранување на мамурлак.
- ЈАБОЛКОВ ОЦЕТ
За добро решение се смета и јаболковиот оцет – две до три лажички измешајте во една чаша млака вода, а може да го засладите и со мед.
- СОДА БИКАРБОНА
Традиционалната „прва помош“ сода бикарбона ја балансира киселоста на организмот и ги ублажува дигестивните проблеми. Измешајте малку сода бикарбона во чаша вода и испијте ја.
- СУПА
Никако не заборавајте на супите кои одлично го закрепнуваат организмот и ја враќаат енергијата. Изберете супа од домати, пилешка или супа од зеленчук.
