Празниците со себе носат храна во изобилство, а тука се и разновидните алкохолни пијалаци. Се изгледа мошне примамливо, но треба да знаете дека зад се се крие сериозен ризик по здравјето, односно синдромот на празнично срце кој се јавува најчесто во овој период од годината. Тогаш луѓето најмногу консумираат алкохол, а крајниот резултат се утра во кои срцето работи забрзано.
Станува збор за пореметување на срцевиот ритам кој е познат како атријална фибрилација, вели доктор Лорен О’Конор од Институтот за срце и васкуларни болести.
О’Конор предупредува дека синдромот на празнично срце не ги погодува само постарите лица и луѓето со срцеви проблеми, туку еднакво ги загрозува и младите и здрави лица.
Прекумерното јадење солена храна го поткрева крвниот притисок. Се напрегаат клетките на срцевиот мускул и создаваат раздразливост. О’Конор наведува дека 60 отсто од луѓето кои секојдневно консумираат алкохол добиваат атријална фибрилација во некој период од животот.
Срцето кај повеќето пациенти може да се опорави од оваа состојба, но постојат и безнадежни случаи.
Атријалната фибрилација испраќа крвни згрутчувања кон мозокот, па е една од причините за мозочен удар.
Бидете умерени!
О’Конор вели дека едно пиво содржи исто количество алкохол како и коктел или чаша вино.
