Деветнаесет финалисти од седум земји, меѓу кои е и претставничка од Северна Македонија, се избор на меѓународната стручна комисија на конкурсот International Medis Awards for Medical Research 2021, која го заврши оценувањето на 181 научно-истражувачки трудови што ги исполнуваа сите барани критериуми за учество.
Од Северна Македонија доаѓа финалистката Фанка Гилевска, од областа на офталмологијата. Таа е првиот автор на оригиналниот научен труд со наслов: „Are changes in visual acuity and astigmatism after corneal cross-linking (CXL) in keratoconus predictable?“, кој е објавен во научното списание Graefes Archive for Clinical and Experimental Ophthalmology.
Конкурсот веќе осма година по ред ги наградува одличните истражувачки достигнувања на лекарите и фармацевтите од земјите од Централна и Југоисточна Европа. Свеченото доделување на наградите ќе се одржи на 25 ноември 2021 година во 17 часот во Љубљана, кога меѓу финалистите ќе бидат прогласени победниците во поедини области.
Во продолжение комплетна листа на финалистите на конкурсот International Medis Awards for Medical Research 2021 (по азбучен ред):
Гастроентерологија
- Андре Вивеирос, Австрија
- Кристоф Грандер, Австрија
Гинекологија
- Борут Кобал, Словенија
- Лука Рошкар, Словенија
Интензивна медицина и анестезиологија
- Марија Вукоја, Србија
- Река Немес, Унгарија
Неврологија
- Катја Павшич, Словенија
- Александра Томиќ Пешиќ, Србија
Офталмологија
- Македонка Атанасовска Велковска, Словенија
- Фанка Гилевска, Северна Македонија
Педијатрија
- Златан Звиздиќ, Босна и Херцеговина
- Матеј Шапина, Хрватска
Пулмологија и алергологија
- Гордана Дрпа, Хрватска
- Петер Копач, Словенија
- Иван Шкопљанац, Хрватска
Ревматологија
- Горица Ристиќ, Србија
- Матеја Сирше, Словенија
Фармација
- Маша Бошњак, Словенија
- Марин Јукиќ, Србија
За наградите International Medis Awards for Medical Research 2021 можеа да аплицираат лекари и фармацевти кои ги објавиле своите научно-истражувачки трудови во реномирани научни публикации со импакт фактор повисок од 1.500. Годинава на конкурсот се пријавија 229 истражувачи од Австрија, Босна и Херцеговина, Бугарија, Северна Македонија, Словенија, Србија, Унгарија и Хрватска. Од нив, 181 апликации ги исполнија сите високи критериуми за место помеѓу номинираните за награда International Medis Awards.
Конкурсот веќе осма година по ред ги наградува одличните истражувачки достигнувања на лекарите и фармацевтите од земјите од Централна и Југоисточна Европа
Овогодинешното доделување на наградите ќе се одржи на 25 ноември. Почетокот е во 17 часот. Прославата ќе биде во клубот „Цанкарјев дом“ во Љубљана пред ограничен број посетители, но истовремено ќе има и директен пренос на настанот во живо.
За наградите International Medis Awards for Medical Research
International Medis Awards for Medical Research се награди за извонредни истражувачки достигнувања во девет земји од Централна и Југоисточна Европа и опфаќаат девет медицински области. Наградите значат признание за лекарите и фармацевтите кои покрај редовната работа се занимаваат и со истражувања без кои нема иновации во медицината и фармацијата, ниту ефикасно справување со болестите.
Пријавените научно-истражувачки трудови ги оценува независна меѓународна стручна комисија која ги номинира финалистите, а потоа ги избира победниците во поедини области. Во мандатот во периодот од 2021–2024 година, комисијата ја предводи проф. д-р Борут Штрукељ, м-р фарм. од Катедрата за фармацевтска биологија при Фармацевтскиот факултет на Универзитетот во Љубљана.
Конкурсот е основан во 2014 година од словенечката фармацевтска компанија „Медис“, која и денес сè уште е главен спонзор на конкурсот. Повеќе информации може да најдете на www.medis-awards.com.
