Доколку се освестат ризик факторите кои влијаат на нашето здравје и се научат симптомите на болестите кои не треба да се игнорираат, полесно ќе се превенираат многу здравствени проблеми. Многумина од нас поради недостиг на време кое би си го посветиле себеси, го занемаруваат балансот помеѓу духовното и физичкото здравје.
Погледнете кои 8 симптоми не смеете да ги игнорирате бидејќи е многу важно лекувањето да се започне навреме.
Болка во градите
Многу фактори може да влијаат на појавата на болка во градите, а некои од нив се воспаление на мускулите, но многу ретко постои можност, и од срцев удар. Доколку болката е интензивна и често се јавува, потребно е веднаш да се побара лекарска помош бидејќи се работи за болест на срцето. Болката во градите не смее да се игнорира особено ако трае неколку дена.
Болка во стомакот
Слично како и кај претходната состојба, причините може да бидат различни. Можеби сте изеле нешто што може да предизвика дигестивни проблеми, но може да станува збор за гастроентеролошки или уште посериозни проблеми. Доколку симптомите на интензивната болка не поминуваат, важно е да се обратите кај матичниот лекар кој доколку е потребно ќе ве испрати на понатамошни специјалистички прегледи.
Нагло губење килограми
Наглото необјасниво губење на телесната тежина може да биде знак за здравствен проблем како што е депресијата, засилена работа на штитната жлезда, болести на црниот дроб, срцето,или дури, за некои многу сериозни малигни болести. Ако не можете да си објасните зошто нагло ги губите килограми, побарајте стручна консултација.
Кршливи нокти
Ако на ноктите забележите линии или дамки, тие најчесто укажуваат на недостаток на витамини минерали и други есенцијални состојки, но може да бидат и симптом за сериозни тегоби како болести на штитната жлезда и бубрезите.
Кашлица која не поминува
Упорната кашлица најчесто се толкува како последица на настинка, но ако не се смирува и по 2-3 недели по болеста, посетата на лекар треба да биде задолжителна, бидејќи може да биде знак за алергиски или некои потешки болести на дишниот систем, но и болессти на срцето, штитната жлезда и желудникот. Ако се работи за желудникот, најчесто станува збор за гастроезофагијална рефлуксна болест позната како ГЕРБ.
Замор
Заморот е еден од главните симптоми на сите болести, но често се игнорира. Токму заморот често открива проблеми на работата со штитната жлезда, а може да укажува и на други болести како анемија, депресија или развој на некоја малигна болест.
Немање здив
Никако не го игнорирајте овој симптом особено ако не поминува бидејќи може да станува збор за белодробни болести, алергиски реакции, хронични бронхитис, астма или болести на срцето. Доколку причина за оваа состојба е напад на паника, ќе се појави и забрзан пулс, потење и краток здив.
Отекување на нозете
Причина за отекување на нозете може да бидат болести на бубрезите, белите дробови, како и артритис, но задржувањето на вода, а со самото тоа и појава на отоци на нозете, може да биде последица на прекумерен внес на сол, шеќер и масти. Еден од најчестите знаци за затајување на работата на срцето, според лекарите е токму отекувањето на потколеницата и на зглобовите.
