Жените кои страдаат од рак на дојка, а кои имаат намалена мускулна маса или саркопенија, имаат помала веројатност да го преживеат карциномот на дојка во II и III стадиум, отколку жените кои немале саркопенија, покажала новата студија. Имено, резултатите од истражувањето покажале дека овие жени се изложени на 41 отсто поголем ризик дека ќе умрат порано отколку жените без саркопенија, пишува „JAMA Oncology“.
Жените кои имаат здрава телесна тежина со соодветна мускулна маса имаат подобри шанси за преживување на која било болест, вклучувајќи го и ракот на дојка. За тоа е потребна здрава исхрана и начин на живот, како и редовно вежбање.
Исто така, се смета дека утврдувањето на степенот на саркопенија може да обезбеди значајни податоци за прогноза на неметастатски карцином на дојка и да помогне да се идентификуваат пациентите со висок ризик.
