На времето луѓето стравувале од инфекции и повреди, додека модерниот човек го мачат сериозни последици заради долгото седење. Јасно е дека долготрајното седење ја оптоварува половината и мускулите, но најновите истражувања покажуваат дека тоа е погубно за целиот организам, дека предизвикува многу болести – дебелина, дијабетес, заболување на срцето, вените, внатрешните органи, мускулите и коските.
Мускулите кои не се активираат подолго време почнуваат да слабеат. Болките во вратот и рамената со текот на времето стануваат неподносливи, односно овие делови се „вкочанети“ и се покажуваат на оковчувања во вратниот дел на ’рбетниот солб. Мозокот добива помалку кислород и се намалува продуктивноста.
Според зборовите на докторите и физиотерапевтите, масажата и секојдневното вежбање можат да помогнат, но не и ако 8 часа се поминат на столче. За луѓето кои секојдневно вежбаат, но сепак доста седат – се советува вежбањето да се подели во повеќе делови во текот на денот. Исто така, се советува на секој час да се стане и да се прошета по неколку минути или барем да се направи истегнување.
Исто така, личностите кои обавуваат канцелариска работа или работа која бара часови седење, би требало, додека работат, да стојат барем два часа за да бидат поздрави и подолго да живеат. Се советува вработените секогаш да стојат кога зборуваат на телефон и да ги протегнат малку нозете, макар и низ канцеларијата.
КАКО СЕ СЕДИ ПРАВИЛНО:
– Главата не ја наведнувајте нанапред.
– Рамената треба да бидат опуштени.
– Лактите под агол од 90 степени, а рацете близу до телото.
– Долниот дел од грбот треба да има поддршка.
– Стапалата да стојат рамно на подлогата или да се благо поткренати.
ДУРИ И ДО 13 ЧАСА ДНЕВНО ПОМИНУВАМЕ ВО СЕДЕЧКА ПОЛОЖБА!
Светската статистика покажува дека дури 86 оттсо од Американците седат постојано во текот на своето работно време, а дури половината стануваат само за да земат храна. Потоа 36 отсто дома уште час или два поминуваат седејќи пред ТВ-екраните, а останатите пред компјутер. Затоа американската Здравствена медицинска асоцијација го утврдила постоењето на таканаречената „седечка болест“ како збир од симптоми кои можат да доведат до заболувања и смрт. Личностите кои поминуваат пред ТВ-екраните повеќе од седум часа дневно имаат за 50 отсто поголем ризик дека ќе умрат од срцево заболување.
