Нервозни сте, бидејќи ви “играат“ капаците и веѓите, а не знаете што е причина за тоа. До оваа состојба која не може да се контролира доаѓа поради спонтано грчење на мускулите на овој дел од лицето. Миокимија, како што стручно се нарекува, не претставува сериозен здравствен проблем, но пожелно е да се знае причинителот што ја предивикува оваа состојба.
Како најчести причини се наведуваат:
Стресот е главна причина за “играње“ на капаците и на веѓите. Обично трае по една недела, или додека трае стресниот период. За стресот да се избегне, или барем да се ублажи, а со самото тоа и оваа последица, неопходно е да научите одредени техники на опуштање. Важно е вежбањето, повеќе сон и подобра организација.
Кофеинот исто така може да биде тригер за појава на миокимијата особено ако кафето се консумира во неограничени количини. За да се воспостави рамнотежа во организмот, пожелно е со кафето да се пие и вода.
Дефицитот на магнезиум може да довете до исти реакции на наведениот дел на лицето. Затоа проверете го нивото на овој минерал, а ако недостатокот се потврди, треба а јадете спанаќ, бадеми или да внесувате додатоци на исхраната.
Понекогаш до “играње“ на капакот и веѓата може да доведе и сериозен медицински проблем, како што е во случај на постоење на хипогликемија, Паркинсонова болест, или некое друго невролошко пореметување. За да се елиминира и најмалиот сомнеж за некоја болест, треба да се посети лекар.
