Ако го загубите чувството во стапалата или прстите заради непријатна положба во која седите – тогаш ситуацијата ви е јасна, но ако не сте седеле лошо или ваквото чувство се јави потполно спонтано – тогаш време е за на лекар. Чувството на вкочанетост може да биде последица на приклештување на некој нерв или мускул. Ова се само некој од најчестите причини за ваквите сензации или нивното отсуство.
Премногу сте ги стегнале врвците
Секојдневното стегање на врвците може да врши притисок на нервите кои можат потоа да испраќаат чувство на трпнење и прободување. За промена носете чевли кои се доволно широки и удобни, а после неколку дена ќе ви се врати чувството во стапалата.
Имате израсток
Малите израстоци на коските не се убави, а можат и да прават проблеми. Со текот на времето може да имате се понепријатни сензации. Со промена на чевлите и купување ортопедски, како и некои други медицински помагала може многу да си помогнете. Доколку ова не помага, тогаш појдете на лекар кој ќе ве упати на ортопед.
Имате дискус хернија
Оние кои креваат тегови и спортистите кои забележуваат дека им трнат стапалата, веројатно, имаат дискус хернија која се случува кога пршлените се тријат еден од друг и така долж целиот ’рбетен столб се иритираат нервите. Нервот ишијадикус се простира од долниот дел на грбот се до прстите на нозете, а оштетувањето може да доведе до појава на болка и слабост во стапалата, зглобовите и нозете.
Долготрајна иритација на нервите
Трпнењето и острата болка можат да бидат последица на неуром или иритиран нерв. Се јавува чувство на болка при одење кое никако не поминува, а настанува како резултат на долготрајно трчање или бавење со некој спорт. За вежбање и трчање бирајте посебни обувки кои се направени токму за таа цел.
Оштетување на нервите
Неворопатијата е хронична состојба на нервите предизвикана од некои здравствени проблеми како што се дијабетес или алкохолизам. Најдобро се лекува кога ќе се открие причината која се наоѓа во сржта на овој проблем, но ќе биде неопходно да посетите невролог кој ќе ви препише терапија против болка.
Имате синдром на тарзален тунел (ТТС)
Кога тибиалниот нерв ќе се најде во овој тунел тогаш е приклештен и се јавува остра болка придружена со трпнење и пецкање. Се јавува ретко, а го предизвикуваат неудобните обувки, повреди и отекување на долниот дел од телото. Доколку се сомневате дека го имате овој синдром, обавезно појдете на лекар кој ќе ви препише адекватна терапија и ќе ви препорача некои медицински помагала.
