Недоволниот внес на течности во текот на летото, односно во потоплите денови, е најчестата причина зошто во овој период од годината најмногу не боли главата, тврдат стручњаците. Налето заради засиленото потење и високите температури се губи повеќе течност, заради што и правилната хидратација е исклучително важна. За оние кои мислат дека во текот на зимата недостатокот на свеж воздух би можел да биде причина за главоболка, струњаците сепак велат дека поголем акцент треба да се стави на дехидратацијата.
Но не е само недостатокот на течност виновен за честата главоболка. Ако, да речеме, ги прескокнувате оброците, појадокот особено, ако премногу гледате во екран, често сте под стрес и не спиете доволно… сето ова се причини заради кои организмот ќе реагира со главоболки.
Ако сте склони на чести главоболки сменете го утринскиот режим. Обавезно појадувајте и тоа обилно, а на работа секаде со себе носете шишенце вода. Добар утрински оброк ќе ве држи сити подолго и ќе имате повеќе енергија за подобро да се носите со секојдневниот стрес, па така ќе ја спречите појавата на главоболки во попладневните часови.
И, секако, погрижете се да легнете малку порано за вашиот организам и глава да можат квалитетно да се одморат, па уште од утринските часови да можете да функционирате како што треба.
