Ноќното мокрење или ноктуријата е медицински термин кој го опишува прекумерното уринирање преку ноќ. За време на ноќното спиење, организмот произведува помалку урина но со поголема концентрација. Kај повеќето луѓе е присутно непрекинато ноќно спиење од 6-8 часа и тие не мора да се будат за да уринираат. Доколку лицето станува повеќе пати во текот на ноќта да мокри, тоа сигурно е знак дека страда од ноктурија.
ПРИЧИНИ
Ноќното мокрење е проблем кој најчесто се јавува кај постарите лица, меѓутоа може да се јави на било која возраст. Причините може да бидат поврзани со стилот на живеење или некои здравствени проблеми. Секако, познато е и ноќното мокрење кај децата.
Многу медицински состојби може да предизвикаат ноќно мокрење. Една од најчестите причини е инфекција на уринарниот тракт или инфекција на мочниот меур. Овие инфекции предизвикува пецкање и потреба за итно мокрење преку денот и ноќта, а третманот обично се состои од антибиотици. Други медицински состојби кои може да го предизвикаат овој проблем се:
- Инфекција или зголемена простата
- Пролапс на мочниот меур
- Синдром на хиперактивен мочен меур
- Тумор на мочниот меур, простата или карлица
- Дијабетес
- Анксиозност
- Инфекција на бубрезите
- Едем или оток на долниот дел на ногата
- Невролошки пореметувања – мултиплекс склероза, Паркинсонова болест или компресија на ‘рбетниот мозок.
Ноќното уринирање е чест проблем кај луѓето кај кои се јавува откажување на органи и кај оние кои боледуваат од дијабетес. Други причини се бременост, апнеа, употреба на одредени лекови (диуретици), прекумерно консумирање течности, консумирање алкохол или пијалоци со кофеин.
ДЕЦА
Ноктуријата кај деца обично се јавува по четвртатата гоина од животот. Статистиката покажува дека ова пореметување погодува во просек од 10-15% деца. Неможноста да го контролираат мокрењето ноќе, кај децата најчесто се јавува спонтано, без да имаат некаков здравствен проблем. Меѓутоа, ноќното мокрење кај децата најчесто има некој психолошки проблем: вознемиренст, непријатност, страв, бунт и слично. Ова пореметување може да се појави кога детето поминува низ одредени промени во животот, кои не му се допаѓаат, или не е подготовено да ги прифати. Поради тоа, во лекувањето на овој проблем, покрај родителите, кај децата треба да биде вклучен и психолог,кој може многу да помогне.
