Меѓу 40 и 60 отсто од жените во западниот свет страдаат од предменструален синдром. Освен ова, огромен број жени страдаат и од низа проблеми поврзани со раната менопауза. Нешто сериозно се случува. Постојат цврсти докази дека низа фактори од нашиот живот влијаат на балансот на хормоните во организмот, кои се неопходни за здравјето.
Недостаток на прогестерон
Според истражувањата, многу жени во 30. години (понекогаш и порано), повремено не овулираат за време на менструалниот циклус. Без овулација не се создава corpus luteum (жолто тело), кое го лачи хормонот прогестерон. Поради недостаток на овој хормон во женскиот организам се нарушува природната рамнотежа на естроген и прогестерон. Доминацијата на естрогенот над прогестеронот повлекува со себе низа проблеми.
Симптоми за недостаток на прогестерон се: опаѓање на коса, хроничен замор, топли бранови, несоница, нередовна менструација, неплодност, урогенитални инфекции, дебелеење, желба за слатко, забавен метаболизам, главоболка и мигрена, промени на расположението, иритабилност, депресија, напади на паника, вртоглавица, лоша концентрација, заборавеност, намалено либидо, инконтиненција (повремено неконтролирано уринирање), прескокнување на срцето, рак на матката, полицистични јајчници, миоми, остеопороза, губење на коскената маса.
Ако имате три или повеќе од овие симптоми, постои голема можност дека балансот на естроген и прогестерон во организмот е пореметен.
Прогестерон и стрес
Прогестеронот е тесно поврзан со стресот. Стресот и лошата исхрана може да ја пореметат овулацијата. Кога овулацијата изостанува, во организмот се јавува недостаток на прогестерон. Поради недостаток на прогестерон се намалува создавањето на антистресните хормони. Недостатокот на антистресни хормони уште повеќе го влошува стресот кој повторно предизвикува отсуство на овулација. На овој начин се создава маѓепсан круг.
Дијагностицирање и лекување
Правилното дијагностицирање е клучно за решавање на било кој здравствен проблем. Ако имате симптоми на хормонско пореметување, обратете се на лекар. Хормоните се комплексна работа, а освен тоа многу болести имаат слични симптоми. Пред да започнете со лекување, мора точно да знаете што се случува во вашиот организам.
Објавена е студија според која е открино дека редовната употреба на синтетички хормони предизвикува кардиоваскуларни болести, рак и смртност кај жените. Поради тоа, се повеќе жени бараат природно решение за тегобите поврзани со предменопаузата и менопаузата.
Правилна исхрана, физичка активност, избегнување на стрес и одмор, прават чуда кога станува збор за хормоните.
