Крвната група е наследна и непроменлива карактеристика на луѓето. Може да влијае на вашиот живот, но многу луѓе сепак не знаат која крвна група се. Зошто би требало да се смени ова, односно зошто би требало да знаете која крвна група сте?!
Крвната група давa потемелен увид во вашата генетика
Познавањето на крвната група може да ви помогне во разбирањето на тоа како телото реагира на одредена храна, може да открие на кои болести сте склони, како реагирате на стрес, како стареете и сл. Само една капка крв е единствена како и отисок од прст. Значи, крвната група може да служи како „навигациска алатка“ во одредувањето на тоа што е добро, а што лошо за вас, па полесно ќе го изградите начинот на исхрана кој најмногу ви одговара.
Истражувањата покажале дека кај луѓето со одредена крвна група постои поголем ризик од одредени болести. На пример, кај личност со нулта крвна група постои помал ризик од срцеви болести, но поголем ризик од чир на желудникот. Личностите со крвна група А имаат поголем ризик од микробни инфекции и кај жените со крвна група А забележана е поголем стапка на плодност. Кај личностите кои се крвна група АБ и Б забележан е поголем ризик од болести на панкреасот.
Крвната група помага во одредувањето на најздравиот начин на исхрана
Антигените (молекули кои поттикнуваат создавање антитела, односно имаат имуна реакција во организмот) на вашата крвна група не се наоѓаат само во крвта. Тие се реширени по целиот организам, осовено во деловите од телото кои се во интеракција со околината. Тоа го вклучува дигестивниот систем од устата до дебелото црево, како и дишните патишта и белите дробови. Со оглед на тоа дека антигените се насекаде, тие влијаат на тоа како телото реагира на храната која ја јадете. Освен тоа одредена храна содржи лектини, белковини кои се врзуваат на антигените на крвната група и предизвикуваат аглутинација на крвта, заради што можете да чувствувате замор, главоболка, дигестивни пречки, да имате проблеми со кожара, како и други здравствени тегоби. Заради тоа знаењето на крвната група може да помогне во одредување на најздравиот начин на исхрана.
Знаењето на крвната група може да спаси живот
Најважна причина заради која би требало да ја знаете својата крвна група е таа што овој податок може да ви го спаси животот во случај на несреќа кога е потребна трансфузија на крв. За да ја дознаете крвната крупа доволно е да дадете крв.
