Мешунките спаѓаат во семејството на зеленчук . Во мешунки спаѓаат грашак, грав, кикирики, леќа, соја, леблебија, боранија.. Богатството од витамини и минерали е главна причина што се користат во исхраната, било како вариво или како салата.
Протеините се присутни во секоја клетка во организмот, па како градивни елементи во човечкиот организам потребни се за разни процеси. Тоа е затоа што протеините после водата, се најзастапените молекули во организмот. Тие го регулираат метаболизмот и делбата на клетките. Една шолја мешунки, кои се на врвот по застапеноста на протеините, содржат 33% од препорачаната дневна доза за жените, и 27% за мажите.
Освен со протеини, мешунките се богати и со влакна, кои се од суштинска важност за рамнотежа на шеќерот во крвта и намалувањето на нивото на холестерол, додека влакната го пречуваат и запекот.
Мешунките се богати со витамини и минерали, што е причина за нивна широка примена во подготовки на супи, салати и смути. Што се однесува до минералите, мешунките содржат значителна количина на железо, цинк и магнезиум. Кога зборуваме за витамините, мешунките се богати со витамин А, К и Б комплекс, како и Б 1, Б6.
- Го намалуваат холестеролот
- Ги намалуваат проблемите со срцето
- Го регулираат шеќерот во крвта
- Го стабилизираат варењето
- Го лечат и спречуваат запекот
- Помагаат при слабеење
- Влијаат во намалувањето на мастите
- Се препорачуваат за трудници
- Ги ублажуваат симптомите во менопаузата
- Се борат против алергии и ги лечат
