Сте дехидрирале
Ако не пиете доволно вода, урината чудно ќе мириса. Кога телото дехидрира, урината има силен мирис и потемна боја. На тој начин телото се обидува да не „потсети“ дека му треба вода. Затоа не чекајте сигнали, пијте вода!
Сте изеле нешто „чудно“
Прокељ, лук, одделни зачини, лосос, алкохол, па дури и кафе, може да го сменат мирисот на урината. Исто така, премногу сол во организмот може да ја зголеми концентрацијата на урината заради што ќе има појак мирис од вообичаено.
Можеби имате инфекција на уринарниот тракт
Најчеста причина за невообичаениот мирис на урината кај жените е инфекција на уринарниот тракт, а во тој случај урината најчесто има силен мирис на амонијак или благо „сладок“ мирис. Бактеријата која ја предизвикува инфекцијата е виновна за мирисот, а кај инфекциите на уринарниот тракт урината најчесто е со матна боја, а понекогаш се појавува и малку крв за време на мокрењето. Освен тоа се јавува и чувство ’дека мора да се мокри’, а всушност не може, па се јавува и печење.
Дијабетесот „демне“
Еден од првите симптоми на дијабетесот е зачестеното мокрење. Урината тогаш има „овошен“ мирис заради вишокот шеќер кој го лачат бубрезите. Ако уринирате почесто од вообичаено, проверете го нивото на шеќер во крвта.
Имате габична инфекција
Габичните инфекции предизвикуваат невообичаен мирис заради дисбалансот на вагиналните бактерии, освен тоа се јавува и чешање.
Овулирате
Хормоните кои се активни во периодот на овулација можат да го сменат мирисот на урината. Од друга страна, овие хормони така влијаат на телото што дури и ако не е засилен мирисот на урината, поизразено е вашето сетило за мирис, па вие ќе чувствувате мирис на амонијак во урината.
Можеби сте бремени
Хормонските промени кои се јавуваат во бременоста, особено во првите месеци, можат да го сменат мирисот на урина.
Можеби имате некоја полова болест
Некои полови болести можат драстично да го сменат мирисот на урината. Кламидијата е најчест „виновник“, но и трихомонијазата и сексуално преносливите паразити. И ако се сомневате на полова болест, појдете на лекар затоа што овие болести често немаат никакви или имаат благи симптоми. Не чекајте нешто да се искомплицира.
