Неодамнешни истражувања покажале дека пивото, а особено црното, има многу благодати за здравјето и убавината кај жените.
ГИ ЈАКНЕ КОСКИТЕ
Жените кои пијат по едно пиво на ден имаат поцврсти коски од оние кои не уживаат во овој алкохолен пијалок. Ова се резултати од студијата на Националниот колеџ за медицина во Орегон, која е објавена во Natural Medicine Journalu.
Оваа студија покажала дека пивото содржи значителни количини биоразградлив силициум, што е еден од важните елементи од кои се изградени човековите коски. Умереното пиење пиво затоа им се препорачува особено на жените во менопауза, која е поврзана со истенчување на густината на коските.
СПРЕЧУВА НАСТИНКИ И ИМА ПРОТИВВОСПАЛИТЕЛНИ СВОЈСТВА
Одличен извор на витамини и минерали, како што се магензиум, калциум и селен, кои го штитат целото тело од сезонски болести. Содржи и бројни антиоксиданти кои го јакнат имунитетот.
ЈА РАЗУБАВУВА КОЖАТА
Пивото е одличен извор на витамин Б комплекс (тиамин, рибофлавин, ниацин, пантотенска киселина, пиридоксин, биотин, фолна киселина и кобаламин), кој е задолжен за убава и нежна кожа, помага во одржувањето на тонусот на мускулите, и дава енергија на целото тело.
Црното пиво има повеќе хранливи супстанци од светлото, а нуди низа здравствени придобивки: го намалува лошиот холестерол, го поттикнува варењето, ја разубавува кожата и го јакне имунитетот.
НАМАЛУВА НАДУЕНОСТ
Истражувњата покажале дека црното пиво има повеќе хранливи состојки од светлото. Во 350мл црно пиво има повеќе од еден грам прехрамбени влакна, кој гарантира здравје на системот за варење, ја намалува надуеноста и запекот.
ГО ШИРИ СРЦЕТО
Умереното пиење пиво го зголемува нивото на добриот холестерол, го намалува нивото на лошиот, ја разредува крвта и на тој начин го намалува рикот од срцев удар. Италијанска студија докажала дека жените кои пијат едно пиво дневно, имаат за 42% помали шанси од кардиоваскуларни заболувања, за разлика од оние кои не пијат пиво. Умереното пиење алкохол ја намалува можноста и од појава на дијабетес тип 2.
