Истражувањето на група научници од три универзитети – Стенфорд, Дјук и Висконсин, спроведено врз 5 500 американски адолесценти покажа дека пријателите кои ги избираме генетски ни се послични од странците, што значи дека вистинскиот тест на силно пријателство, веројатно, лежи во генетиката.
По спроведувањето на генетски споредби помеѓу двајца пријатели, научниците откриле серија на генетски сличности, многу повеќе отколку кај оние парови кои не се познавале.
Социјалната хомофилија и социјалното структурирање меѓусебно не мора нужно да се исклучуваат
Тие заклучиле дека пријателите делат во просек две третини генетски сличности, а причината за тоа може да биде привлечноста спрема оние со кои делиме заеднички карактеристики, како што е изгледот, степенот на образование, потеклото или искуството. Научниците овој процес го нарекуваат социјална хомофилија.
Нивното второ објаснување е дека луѓето се дружат во рамките на иста социјална средина, на пример, исто училиште или работа. Овој феномен се нарекува социјално структурирање.
Главниот автор на студијата, професор на Универзитетот Стенфорд, Бенџамин Доминк, верува дека всушност несвесно ги бираме оние кои се слични на нас под влијание на споменатите структури и друштва.
