И покрај она што луѓето вообичаено го мислат, депресијата не е исто што и нерасположението, не е исто што и тагата која доаѓа и поминува. Депресија е пореметување на однесувањето кое се манифестира со чувство на тага и безволност, губење интерес за се она што лицето некогаш го правело среќно, и кое трае најмалку две недели, сериозно нарушувајќи го квалитетот на живот на поединецот. Тоа е сериозна состојба која бара стручна помош.
Но, понекогаш симптомите не се така очигледни и депресијата останува прикриена. Еве што се може да укажува на потенцијалниот проблем:
Невообичаено експлозивно реагирате
Раздразнетоста и бесот се два знака за депресија. Кога размислуваме за депресија, обично во главата ни е слика на лице кое е апатично, меланхолично, беспомошно. Но, понекогаш, особено кај мажите, депресијата се манифестира и како ужасен бес и многу агресивно однесување. А тоа често го прогласуваме како „тежок карактер“ и не навлегуваме подлабоко…
Незаинтересираност
Кога лицето е во депресија многу често губи интерес за се што преходно го правело среќен. Лицата кои уживале во дружење, се повлекуваат во себе, избегнуваат излегување, спијат речиси цел ден и тешко им е дури и да се натераат да одат на работа. Да се истушираат. Да измијат заби…
Придржувањето кон договор станува проблем
Депресијата има уште една отежнувачка околност. Кога малку ќе се подобри состојбата, ќе ви се пристори дека е добра идеата нешто да испланирате, да се договорите со пријателите, а кога повторно ќе ве опседнат црни мисли, немате волја ниту да испратите порака за да го откажете тој договор.
Спиете многу повеќе или многу помалку од порано
Лицата кои страдаат од депресија често “бегаат“ во спиење, но во некои случаи и несоницата е симптом за депресија. Секое отстапување од вообичаениот образец на спиење е причина да размислите за тоа како се чувствувате.
Нагло зголемување или намалување на телесната тежина
Понекогаш, депресијата ја следи губење на апетитот, па лицето слабее, иако тоа не и е цел. Но, може да се случи и да се зголеми желбата за слатки и нездрава храна, што во комбинација со недостатокот на волја за било каква активност, доведува до таложење на килограмите.
