Доколку при рака немате таблета против болки, решете ја забоболката на природен начин. Каранфилче, лук, невен… – се само дел од даровите на природата кои може да ви помогнат.
Невен
Невенот е добро позната лековита билка, која одамна се користи за ублажување на широк спектар на здравствени проблеми, бидејќи делува антисептично и антибактериски. Водичката за уста од невен претставува смирувачки третман за болести на непцата и воспалителни процеси во усната празнина.
Едноставно исплакнете ја усната празнина со чај од невен за да ја ублажите болката.
Лук
Лукот е едно од најмоќните природни средства за смирување на болката. Органското соединение алицин ги дава главните антиоксидантни својства на лукот. Исечете го лукот и ставете го на болниот заб, болката би требало да исчезне за неколку минути.
Каранфилче
Рецептот е едноставен: џвакајте го каранфилчето, кое е природен анестетик. Според некои истражувања, може да ја олесни забоболка за само неколку часа.
Алкохол
Во овој случај, немојте да го пиете, туку исплакнете ја усната празнина, а тој ќе ја дезинфицира и ќе ги уништи бактериите.
