Доколку во текот на денот многу седите или стоите можно е повремено да се соочите со отоци на нозете, особено во пределот на зглобовите, и тоа како резултат на задржување течности во организмот. За да ги ублажите овие проблеми би требало повеќе да се движите, да пиете доволно вода, да го намалите внесот на сол и да го зголемите внесот на магнезиум и калиум.
Освен овие општи совети би можеле да ви помогнат и намирниците кои имаат својства на диуретици, односно намирниците кои го поттикнуваат исфрлувањето на течностите од организмот. Тоа најпрво се напитоците кои содржат кофеин, како што се кафето, црниот и зелениот чај. Диуретско својство поседуваат и билните чаеви, како што се чајот од хибискус, магдонос и глуварче. И на крајот, одделни зачини како што се кимот и куминот, кои, исто така, го поттикнуваат излачувањето на вишокот вода од организмот.
