Анемијата е често заболување кај жените, а особено е изразена кај трудници и жени со обилен менструален циклус. Исто така, жените кои често се на ригорозни диети главно не внесуваат доволно количество на железо во организмот, што доведува до појава на слабокрвност. Освен наведените причинители на анемијата, постојат и некои други, значително посериозни причинители, како што се разни внатрешни крварења, (чир, хернија – кила), хемороиди, тумори на дигестивниот тракт), лоша апсорција на железо (целијакија, Кронова болест), анемија поради зголемено или забрзано разградување на еритроцитите – што е последица на пореметување на црвените крвни зрнца или надвор од нив.
Дневните потреби на организмот за железо варираат и зависат од возраста, полот и резервите во телото. Се смета дека децата и жените во репродуктивниот период траба да внесуваат околу 15 милиграми железо дневно, додека потребата кај мажите е помала и изнесува околу 8 милиграми.
Се верува дека железото од месото полесно се апсорбира, но тоа не значи дека вегетаријаницте имаат дефицит на железо. Многу е поважно здравјето на внатрешните органи (црниот дроб, дигестивниот тракт), за апсорпцијата да биде поквалитетна.
Освен тоа, истражувањата во светот покажуваат дека лицата кои јадат месо немаат поголема склоност кон губење на железо во однос на вегетаријанците. На самото искористување на железото од намирниците влијае и правилната комбинација на различни компоненти од храната.
Како до подобра апсорпција на железото?
- Јадете свеж зеленчук и овошје богати во витамин Ц со оброк кој содржи железо. Витаминот Ц значително ја подобрува асимилацијата на железо во организмот.
- Со употреба на свежо цедени сокови пред јадење, исто така, се зголемува способноста на организмот да прими што поголема количина на железо.
- Избегнувајте да консумирате кофеински напитоци (кафе, црн или зелен чај), особено после јадење.
- Пушењето треба да се избегнува и во случај на анемија, бидејќи го поттикнува нејзиниот развој.
Намирници богати со железо
Овој елемент, важен за човечкиот организам, највеќе го има во:
- Мешункасти растенија (грав, грашок, леќа, соја);
- Јаткасти плодови (ореви бадеми, лешници);
- Компир;
- Житарки;
- Семки од тиква;
- Какао;
- Јајца;
- Месо;
- Риба.
Постојат многу народни рецепти кои се мошне ефикасни и не штетат на стандардната терапија за ова заболување.
Најдобри резултати во борбата против слабокрвноста покажале:
- Лук – свеж;
- Коприва – свежа, во облик на чај или капки;
- Какао;
- Мед, полен, матичен млеч, шумски мед;
- Глуварче – лист и корен;
- Цвекло;
- Капини;
- Шипинка;
- Пелин;
- Ореви.
