Болните месечни менструални циклуси, односно менструалните грчеви се јавуваат поради хормонот простагландин кој предизвикува контракции на мускулот на матката за време на траење на циклусот. Жената вообичаено се жали на тапа или пулсирачка болка во долниот дел на стомакот која неретко се проширува, односно се рефелектира на долниот дел на грбот и на нозете. Оваа непријатна болка обично спонтано поминува по два до три дена од почетокот на циклусот. Некои жени чувствуваат грчеви непосредно пред почетокот на циклусот.
Покрај конвенционалните лекови, постојат и природни методи за лекување на болните месечни циклуси.
Ѓумбир
Ѓумбирот е билка која може ефикасно да ги ублажи менструалните болки. Тој успешно го намалува нивото на простагландинот кој всушност ја предизвикува болката. Исто така, помага во борба против заморот кој се јавува за време на циклусот и помага тие да бидат редовни секој месец. Изрендајте мало парче свеж ѓумбир и варете го во 250 мл вода, пет минути. Исцедете и додадете малку мед и сок од лимот. Овој чај се пие три пати дневно за време на целиот циклус.
Босилек
Кафеинската киселина во босилекот делува така што ја намалува болката. Додадете една лажица свеж или сув босилек во 250 мл вода што врие, малку нека поврие и оставете да се олади. Се пие на секои четири до шест часа.
Цимет
Циметот има антиспазмодични и антиинфламаторни својства кои можат да ја намалат болката за време на менструалниот циклус. Направете чај од цимет така што ќе измешате ¼ мала лажичка цимет во прав во шолја 250мл. топла вода. Нека отстои пет минути, додадете мед и пијте го чајот голтка по голтка. Потребно е да испиете две до три шолји чај во текот на еден до два дена пред циклусот за да ги спречите грчевите и болката.
