Честата кашлица е карактеристичен симптом на бактериски или вирусни инфекции на дишните органи, кои ги следи густ секрет во грлото, синусите и белите дробови. Залепен е на бронхиите, па тешко се исфрла, но со помош на природни препарати можете да го олесните исфрлањето. Ова се неколку природни решенија за полесно ослободување од насобраниот секрет и олеснување на кашлицата.
Бел слез – прелијте иситнет корен од бел слез со 200 мл ладна вода и оставете да отстои најмалку шест часа, потоа процедете го и полека пијте. Овој чај пијте го два пати на ден без никакви додатоци.
‘Рдоква и кромид – ставете во блендер 250 мл лимонов сок, четири до пет големи лажици мед, една средна главица кромид исечкан на парчиња, шест чешниња лук и една поголема црна ‘рдоква, претходно излупена и исчистена. Блендирајте се додека не се добие хомогена смеса. Потоа лекот ставете го во стаклена тегла и чувајте го во фрижидер. Се користи една недела, три пати на ден по една лажица, половина час пред главниот оброк.
Пиво и кафеав шеќер – во поголем сад ставете 150 г кафеав шеќер и загрејте го на умерена температура додека не се карамелизира. Потоа додадете 500 мл пиво и варете 20 минути додека не добие густина малку поретка од медот. Оставете го да се излади, па ставете го во стаклена тегла и чувајте го во фрижидер. Земајте го по три пат на ден пред секој главен оброк.
