Здрава и мазна кожа е сон на секоја жена. За жал, непријатноста како куперозата (црвенило и испукани капилари на лицето) предизвикува многу проблеми кај жените кои се борат со неа. Причините за купероза сеуште не се испитани до крај.
Алое – Исечете лист од алое по должина и држете го во фрижидер неколку дена. Пред спиење со исечената страна од листот намачкајте ја кожата на лицето, која претходно сте ја исчистиле со билна мешавина од зелен или црн чај. Оваа постапка повторувајте ја секој ден во траење од две недели. Печењето е нешто што треба да се издржи и поминува веќе по вториот или третиот третман.
Зелен домат – Зелениот домат содржи неопходни киселини кои активно делуваат на спречување на куперозата. Исечете го доматот на парчиња и ставајте ги на проблематичните делови и оставете да делуваат три минути. Потоа на лицето нанесете хранлива крема. Облогите од зелен домат ставајте ги 10 дена, секој ден.
Магдонос – Земете една рака листови од магдонос и прелијте ги со 100мл зовриена вода. Поклопете и оставете да отстои половина час. После тоа процедете и додадете 50мл млеко. Со оваа течност намокрете помал пешкир, исцедете го и ставете го на лицето да стои 20 минути. Процедурата прваете ја секојдневно во тек на 20 дена, а потоа повторувајте по потреба.
