Дали се чувствувате лошо и сте безволни? Патите ли само од минливо нерасположение или станува збор за нешто посериозно? Стручњаците ги протолкувале знаците на депресија. Ако ги имате, повеќето од нив, побарајте помош затоа што депресијата е болест која се лекува.
Кога се чувствувате и повеќе од тажно
Тажните периоди се составен дел од животот и потполно се нормални. Меѓутоа ако чувствувате интензивна тага и тоа подолго време, а без некоја посебна причина, тоа би можело да биде знак за депресија. Ако уште таа тага ве попречува во секојдневните активности, би било добро да поразговарате со лекар.
Јадете ли повеќе или помалку од вообичаено
Со депресијата одат и промените во исхраната. Некои луѓе тогаш знаат да јадат значително помалку и драстично да ослабат, а други, пак, јадат многу повеќе од вообичаено и се дебелат. Посветете внимание на тие знаци и ако забележите дека имате осцилации во исхраната, појдете на лекар.
Спиете ли повеќе или помалку од вообичаено
Ако забележите дека емоциите ве исцрпуваат до таа мера што сте постојано уморни и поспани и дека спиете подолго од вообичаено, тоа би можело да биде знак на депресија. Некои, пак, луѓе кога се депресивни воопшто не можат да спијат од немир и тешкотија. И едниот и другиот знак нека ви бидат насока да побарате помош.
Ве нервираат ситници
Дали се грижите за секоја ситница? Дали сте чувствителни по секој збор или гест? Забележувате ли дека често се карате со својата околина затоа што се ви пречи? И тоа можат да бидат знаци дека сте западнале во депресија.
Не можете да се концентрирате
Депресијата го оневозможува човек да се концентрира на што било. Ако забележите проблем со концентрацијата на работа или дома и ако тоа често ви се случува, посетете лекар и кажете му ги своите проблеми.
Повеќе ништо не ве радува
Депресијата ја уништува животната радост. Размислете за работите кои инаку ве радуваат. Дали и понатаму ве прават среќни? Дали повторно можете додека ги правите да почувствувате радост во себе? Ако не е така, можеби навистина сте депресивни.
Чувство на безвредност
Со депресијата доаѓа и чувството на безвредност. Човек чувствува дека животот не му изгледа онака како што би требало, најчесто себеси се обвинува за тоа, а не може самиот да си помогне. Ако некогаш се најдете во таква ситуација, обавезно појдете на лекар.
