Телото, па така и дојките, не се секогаш целосно симетрични. Понекогаш тоа е видлива асиметрија, но често, речиси и да не се забележува. Каква и да е, на некои девојки и жени им ја нарушува самодовербата.
Градите се составени од поткожно масно ткиво, ткиво со жлезди кои имаат млечни канали, брадавици, ареола и кожа. Ако постои асиметрија на дојките, значи дека на едната дојка има помалку масно ткиво. Многу често асиметрија на дојки е вродена и е со многу мала разлика, но кај некои жени се појавува поголема асиметрија. Важно е да се знае дека благата форма на асиметрија не претставува никаков проблем за здравјето.
Кај полесниот облик на асиметрија на дојките, здравствени проблеми не постојат, а асиметријата може да се реши со естетска операција. На неразвиената страна, под жлезденото ткиво на дојката се става имплант со големина која одговара на другата града. Понекогаш е потребно поткревање на нормалната дојка и ставање на импланти за да се постигне што подобра симетрија.
По бременоста, до асиметрија на градите може да дојде заради доење или хормонска терапија. Од естетска страна, асиметричните гради може многу да им пречат на некои жени и девојки, бидејќи дојките се сметаат за симбол на женственоста. Од тие причини, жените се решаваат асиметричните гради да ги решат со естетска операција. Секако, операциите треба да бидат слободен избор за жената. Но, тоа би требало да биде последно решение по кое ќе посегнат за да се чувствуваат добро во своето тело.
