Четкањето заби, чистењето со конец, користењето течности за освежување на устата и редовните стоматолошки контроли се од витално значење за здравјето на забите, но исто така треба да се води сметка и при изборот на храна.
И додека сите знаеме дека газираните сокови, шеќерот и чоколадото се лоши за забите, постојат уште некои производи кои исто така не се му штетат на денталното здравје.
Стоматологот Питер Чунг од Австралиската заедница за орално здравје неодамна објави список на продукти кои ја уништуваат насмевката.
Цитруси
Јасно е дека овошјето е добро за нашето здравје. Но, дали истото важи и за вода со лимон, свеж сок од портокал? Портокалите и другите цитруси содржат високо ниво на цитрична киселина која го зголемува ризикот за оштетување на глеѓта или за чувствителност на забите, изјавил Питер.
Тестенини
Тестенините кои содржат сос од домати, може да бидат многу штетни за забите, предупредува д-р Чунг, бидејќи содржат висок процент на лимонска и јаболкова киселина, како и одреден процент оксална киселина. Докторот истакнува дека конзервираниот домат, кој обично се користи за правење сосови за тестенини, исто така содржат многу повеќе киселини од обичните домати.
Пуканки
Не треба само да се води сметка за киселините во храната. Стоматологот тврди дека цврстата и крцкава храна, исто така претставува ризик за забите, пред се поради можното кршење. Едни од најпопуларните производи меѓу оваа храна се пуканките, каде што често остануваат неиспукани зрна пченка кои може да предизвикаат кршење на забите.
Мраз
На истиот начин, како што испуканата пченка може да направи хаос во устата, така и премногу лед во устата може да претставува опасност за денталното здравје. Токму затоа лекарот препорачува да не го задржувате мразот во устата, ниту да ги лижете или гризете..
Кисела храна
Стоматологот вели дека „често пати на многумина им е тешко да одолеат на кисела храна„.. Но, всушност греба да бидеме свесни дека премногу кисела храна не е здрава ниту за општото здравје.
