Експозицијата на пасивно пушење е еден од најголемите надворешни фактори за рецидивна кашлица/wheezing или симптоми на астма на која било возраст во детството.
Пушењето на мајката во текот на бременоста и раната експозиција на пасивно пушење се асоцирани со поголем ризик од wheezing во детството и редуцирана белодробна функција во подоцнежниот живот.
Тутунскиот чад го зголемува оксидативниот стрес и стимулира инфламација во горните и долните дишни патишта. Аерозагадувачите од сообраќајот и индустријата, покрај директниот токсичен ефект врз белите дробови, индуцираат оксидативен стрес, инфламација на дишните патишта и можност за астма кај деца кои се генетски предиспонирани за оксидативен стрес. Користењето на дрва и јаглен за готвење и/или затоплување во домот е асоцирано со зголемен ризик од астма и зголемување на тежината на болеста. Природната исхрана го намалува ризикот од wheezing во раното детство асоциран со инфекции на горен и долен респираторен тракт и од атопичен дерматитис, меѓутоа постојат малку докази дека го превенира развојот на перзистентната астма.
Исто така, инсуфициентни се докази за превентивен ефект од диетата на мајката за време на бременоста и лактацијата врз појавата на астма и атописка болест.
Се претпоставува дека дебелината влијае на појава на астма и на белодробната функција преку ефектот врз белодробната механика и равојот на прроинфламаторна состојба, дополнително на генетското, равојното, хормоналното и невргеното влијание. Раната, масивна експозиција на алергени од внтрешната и надворешната животна средина е асоцирана со зголемен ризик за алергиска сензибилизација и атописка астма. Во периодот кога бебето уште се дои, нутритивната алергија со манифестации на кожата, гастроинтестиналниот и репираторниот систем е почеста во однос на инхалаторната алергија.
Присуството на нутритивна алергија е фактор на ризик за развој на симптомите на астмата кај децата постари од 4 години. Со зголемување на возраста, доминира инхалаторната алергија со преосетливост на алергените од внатрешната животна средина (микрокрлежи, домашни миленици, лебарки, габички), а подоцна со алергени од надворешната животна средина (полени, габички). Утврдена е асоцираност на користење на парацетамолот (acetaminophen) во текот на бременоста на мајката и во првата година од животот, како и во подоцнежното детство со зголемена преваленција на астма на детството. Општо е прифатено дека надворешните фактори и генетската предиспозиција заеднички придонесуваат за развој на болеста, иако нивниот точен придонес во предизвикувањето на астма останува нејасен.
(Продолжува)
