ПРОФ. Д-Р МАРКОТИЌ: Солениот раствор е евтино решение кое помага во борба против коронавирус. Еве како можете и сами да го направите и користите

Додека да почне употребата на вакцина, во борба против новиот коронавирус може да помогнат и некои едноставни постапки како на пример хигиена на носот, како што сугерира проф. Алемка Маркотиќ, директор на Клиниката за инфективни болести во Загреб. Редовното испирање на носот со солена вода и тоа како може да помогне против инфекција на дишниот систем, а еве како може и сами да го направите и да го користите.

Иако забелешките кои проф. д-р Алемка Маркотиќ ги наведува се уште се во фаза на почетна контролирана студија, оваа метода која се користи со векови наназад сигурно не може да наштети. Идејата за студијата, вели таа, се родила при обидот да им се помогне на заразените без симптоми кои со недели биле во изолација поради позитивен тест од брис, кој веќе не бил во склад со нивната здравствена состојба, бидејќи биле добро.

“Размислував дека можеби добрата тоалета на носот, односно испирањето и влажнењето на носот со солен раствор, може да помогне во отстранување на мртвиот епител во носот, а со тоа и на вирусните честички од тој епител. Советував 3-4 пати дневно да го освежуваат и чистат носот со ваков раствор во период од 2-3 дена и потоа да направат пациентите контролен брис. За среќа, кај повеќето по ваквата постапка, наодот на брис беше негативен и можеа конечно да завршат со изолацијата и да се вратат на ‘новото нормално„“, вели проф. Маркотиќ.

Коронавирусот, како и останатите вируси “не сакаат“ солени раствори.

Солената вода како домашен спреј за нос и средство за гаргара се користи со векови бидејќи ефикасно го смирува воспалението на грло и ги одржува дишните патишта влажни и без патогени.

Размислував дека можеби добрата тоалета на носот, односно испирањето и влажнењето на носот со солен раствор, може да помогне во отстранување на мртвиот епител во носот, а со тоа и на вирусните честички од тој епител, појаснува инфектологот, д-р Маркотиќ.

ПОСТАПКА ЗА ПОДГОТОВКА НА СОЛЕН РАСТВОР

  1. За испирање на носот, растворете една четвртина мала лажичка сол во шолја топла вода.
  2. Наведнете ја главата на едната страна над мијалникот (така да главата биде под агол од 90 степени), брадата подигнете ја што повисоко и полека ставајте од течноста низ едната ноздра со помош на шприц или капалка.
  3. Вишокот раствор нека ви се излие низ другата ноздра. Целата вода од шолјата мора да протече низ ноздрата.
  4. Повторете ја постапката наведнувајќи ја главата на другата страна.
  5. За крај, силно издувајте го носот над мијалникот 20 пати.

Иако многумина користат топла вода од чешма, подобро е таа да биде дестилирана, стерилна или провриена, а два часа по оваа метода се препорачува да не спиете и да не излегувате на воздух.

ПРЕДНОСТИ НА СОЛЕНАТА ВОДА ЗА ДИШНИТЕ ПАТИШТА

  • Ги отстранува честичките од носот
  • Носот станува попрооден, а дишењето е подлабоко и поопуштено
  • Превенцира настинка ( или ја ублажува ако е веќе присутна)
  • Ублажува или дури и целосно спречува алергии
  • Мирисите стануваат поинтензивни.

ПОВРЗАНИ НАПИСИПОВЕЌЕ ОД АВТОРОТ