КАРАКТЕРИСТИКИ НА ИСХРАНАТА ПРЕД ПОЧЕТОКОТ НА НАТПРЕВАРОТ
НЕМА МАГИЧЕН РЕЦЕПТ ЗА ПОБЕДА, НЕМА МАГИЧНА ХРАНА!!! Секој поединец мора сам за себе да експериментира и да види после каква храна има најдобри перформанси. Секако, тоа треба да го прави за време на тренинзите, а на денот на натпреварот да јаде проверена храна на која е навикнат спортистот. Во принцип секогаш е подобро да се јаде пред тренинг или натпревар, но внимателно да се одбере храната. Зошто? Бидејќи:
Факултет за физичко образование, спорт и здравје, Скопје
– дава енергија за активностите што претстојат;
– ја спречува хипогликемијата;
– го смирува желудникот;
– го смирува мозокот бидејќи телото има доволно енергија.
Според Кларк Н., 2000, за да се свари поголем оброк потребни се три-четири часа, за помал два-три, за течен оброк (од блендер) треба еден-два часа, а за меѓуоброк еден час. Земајќи го ова предвид треба да се прилагоди земањето храна на активноста што претстои. Така, ако некој спортист треба да има активност која е со повисок интензитет, треба да земе оброк 4 часа пред активноста, а ако станува збор за лесен тренинг, тогаш може и 10-15 минути пред тоа да внесе лесен оброк или ужина.
Никогаш не треба да се оди гладен на тренинг или натпревар!!!
На секој тренинг или натпревар треба да му претстои оброк!!! До 2 часа пред натпреварот треба да се внесуваат јаглехидрати со умерен и низок гликемиски индекс, заедно со прехидратацијата (доволен внес на вода или течности). За време на спортовите на издржливост (кои траат подолго) дозволен е внес на шеќери со висок гликемиски индекс. Никогаш пред тренинг или натпревар не треба да се внесува храна која создава гасови или храна која се консумира за прв пат (да се одбегне експериментирање во овој период).
