ПИШУВА:
Катерина Шекеровска-Димовска
Проф. Нетковски, неодамна (1-5 јуни) во древниот Охрид се одржа 12-ТИ БАЛКАНСКИ КОНГРЕС ПО ОТОРИНОЛАРИНГОЛОГИЈА – ХИРУРГИЈА НА ГЛАВА И ВРАТ, 1st Joint Meeting with American Academy of Otolaryngology – Head and Нeck Surgery и 1st Joint Meeting with Confederation of Еuropean Otorhinolaryngology – Head and Neck Surgery. Задоволството чинам е уште поголемо со оглед на тоа дека Македонија за прв пат беше домаќин на еден ваков значаен настан. Kои се Вашите први впечатоци и оценки по завршувањето на Конгресот?
Проф. Нетковски: Во организација на Здружението на лекари по оториноларингологија на Р.С. Mакедонија и Балканското здружение по оториноларингoлогија и хирургија на глава и врат од 1-ви до 5-ти јуни, 2022 година, во хотелскиот комплекс „Метропол“ на брегот на прекрасното Охридско Езеро, се одржа 12-тиот Балкански конгрес пo оториноларингологија и хирургија на глава и врат (12th Balkan Congress of Otorhinolaryngology – Head and Neck Surgery).
Годинава за првпат во историјата на Балканските конгреси се одржаа истовремено уште два престижни настани: 1st Joint Meeting with American Academy of Otolaryngology – Head and Нeck Surgery и 1st Joint Meeting with Confederation of Еuropean Otorhinolaryngology – Head and Neck Surgery, што претставуваше посебна чест и привилегија, но истовремено голем предизвик и обврска за нас како домаќини на настанот.
Конгресот го одбележаа предавања од областа на ринологија, алергологија, естетска и реконструктивна хирургија, ендоскопска хирургија на синуси и предна черепна јама, отологија, аудиологија, кохлеарна имплантација, ларингологија, хирургија на глава и врат, опструктивна sleep apnea, педијатриска оториноларингологија и анестезијата во оториноларингологија беа организирани во пленарни сесии, округли маси, видеопрезентации и симпозиуми
На отворањето на Конгресот еминентните и истакнати гости преку видеоврска ги поздрави Министерот за здравство на Р.С. Македонија д-р Беким Сали, а свое обраќање имаа и претседателoт на Македонското лекарско друштво – проф. Горан Димитров, претседателот на Балканското здружение по оториноларингологија – хирургија на глава и врат – проф. Марина Давчева – Чакар, потпретседателот на Балканското здружение по оториноларингологија – хирургија на глава и врат – проф. Јане Нетковски, претставникот од American Academy of Otolaryngology – Head and Нeck Surgery – Prof. Maria Suurna, претседателот на Confederation of Еuropean Otorhinolaryngology – Head and Neck Surgery – Cem Meco, претседателот на Конгресот – доц. Фродита Јакимовска, заменик претседателот на Лекарската комора на Р.С. Македонија – д-р Илбер Бесими и други почесни и истакнати членови.
Предавања, симпозиуми, тркалезни маси, панел дискусии, видеопрезентации… – програмата беше навистина обемна со една заедничка цел – споделување и презентација на новините во оториноларингологијата и хирургијата на главата и вратот. Токму затоа на едно место беше обединета импозантна бројка на научници и лекари специјалисти од балканските земји, но и од целиот свет. Беше ли тешко да се обезбедат предавачите и конечно, постпандемиски да се организира еден ваков настан со физичко присуство?
Проф. Нетковски: Повеќе од 400 врвни професори, научници, хирурзи и експерти, од нашата и од разни земји од светот (Албанија, Босна и Херцеговина, Бугарија, Германија, Грција, Египет, Израел, Косово, Романија, САД, Словенија, Србија, Турција, Хрватска, Црна Гора и др.) беа собрани на едно место да ги разменат сопствените искуства, научните дострели и откритија, но истовремено да ја презентираат сопствената држава на најдостоинствен начин и да изградат нови пријателства и можности за понатамошна институционална релација и соработка. Предавања од областа на ринологија, алергологија, естетска и реконструктивна хирургија, ендоскопска хирургија на синуси и предна черепна јама, отологија, аудиологија, кохлеарна имплантација, ларингологија, хирургија на глава и врат, опструктивна sleep apnea, педијатриска оториноларингологија и анестезијата во оториноларингологија беа организирани во пленарни сесии, округли маси, видеопрезентации и симпозиуми.
Во каква атмосфера протече Конгресот и што е она што како изненадување им го приготвивте на присутните?
Проф. Нетковски: Низ богати и плодни дискусии во атмосфера на беспрекорна организација беа разменети и споделени најновите научни достигнувања, искуства и предизвици од соодветните области, обединети во заедничка мисија – врвна едукација на лекарскиот потенцијал, унапредување и надградба на оториноларинголошката практика во чекор со современите потреби на човекот, со примена на брзи и прецизни дијагностички методи и практикување на современи, квалитетни и ефикасни терапевтски протоколи.
Годинава за првпат во историјата на Балканските конгреси се одржаа истовремено уште два престижни настани: 1st Joint Meeting with American Academy of Otolaryngology – Head and Нeck Surgery и 1st Joint Meeting with Confederation of Еuropean Otorhinolaryngology – Head and Neck Surgery, што претставуваше посебна чест и привилегија, но истовремено голем предизвик и обврска за нас како домаќини на настанот
Големиот собир беше вистинска прилика и момент во свечена и незаборавна атмосфера, на огромно задоволство и пријатно изненадување на присутните, да бидат избрани нови почесни членови на Балканското здружение по оториноларингoлогија и хирургија на глава и врат, но и да бидат доделени благодарници на организаторите на Конгресот.
Впечатоците веројатно уште долго ќе се средуваат и прераскажуваат, а говорат во прилог на успешно организираниот настан, богатата и обемна програма, надополнета со два престижни настани. Се чини дека Охрид во периодот од 1 до 5 јуни комплетно живееше во знакот на оториноларингологијата…
Проф. Нетковски: Беспрекорно организираниот Конгрес, за што добивме и највисоки оценки од посетителите, јасно покажува дека нашата земја има капацитети, научни и стручни потенцијали да организира настан од највисок ранг и истовремено достојно да ги презентира врвните професионални дострели во сферата на оториноларингологијата.
А убавините на градот на Унеско, со прекрасното Охридско Езеро, град кој живее повеќе од две илјади и четиристотини години, лулката на словенската писменост легитимен наследник на Лихнид, град со вткаени дострели на силната античка цивилизација, културно – историските споменици, автентичните и уникатни природни реткости, ќе останат трајна инспирација за нови средби и нови пријателства со нови идеи и постигнувања.
Огромна благодарност до организаторите, покровителите, учесниците и гостите кои со својата несебична и безрезервна поддршка дадоа силен белег на овој незаборавен настан.
