“Она што е незгодно е дека лицето може да биде заразно, а во тој момент да нема никакви симптоми. Два дена пред симптомите може да биде многу заразно, така што за лицата кои се асимптоматски не е целосно јасно колку се всушност заразни“, вели проф. Гордан Лауч.
Прашан за тоа дали можеме да бидеме сигурни дека за новиот коронавирус во иднина ќе добиеме вакцина, тој одговара дека не можеме.
“Не можеме да бидеме сигурни дека воопшто ќе се пронајде вакцина, некои се развиваат десетици години“, вели тој.
Тој истакнува дека сме затекнати во ситуација во која има нов и непознат вирус кој е меѓу нас само три месеци.
“Да се дојде до нови сознанија во само три месеци е многу тешко, научниците се уште учат за него, а притисокот од јавноста е огромен. Затоа и се случува да кружат разни информации. Тоа е процес на учење“, објаснува проф. Лауч.
Тој на прашањето дали вирусот може навистина да преживее на одредени предмети, вели дека е докажано дека може да преживее и до неколку дена, но утешно е што никогаш не се забележани зарази на тој начин.
“Засега се смета дека вирусот се пренесува по капков пат, значи не преку аеросоли – лебдечки честички, туку преку поголема капка од нечија уста“, објаснува професорот.
Според проф. Лауч есенските месеци ќе претставуваат проблем, од причина што ќе се појават и други вообичаени болести за тој период, како грип и настинки, па сите симптоми ќе бидат сомнителни.
“Наесен ќе мора да бидеме многу претпазливи отколку што мора да бидеме во овој момент“, порачува тој.
