Новата јужноафриканска варијанта на коронавирусот, наречена омикрон, предизвика голема загриженост меѓу научниците. Како што знаеме – веќе е во Европа. Колку се разликува од досегашните варијанти, дали е поопасна, колку вакцината штити од овој сој, дали се шири побрзо, го прашавме проф. д-р Никола Пановски од Медицинскиот факултет во Скопје.
“Рано е да се каже, студиите се во тек и лабораториски и епидемиолошки. Дали и колку побрзо се шири од делта варијантата, дали е со посериозни симтоми и дали прележаните и вакцинираните се помалку заштитени? За последново треба најмногу време. За сега се шпекулира дека побрзо се шири, но дека дава полесни симптоми. Идеално и најоптимистичко сценарио е да се шири брзо и да не дава смртен исход. Така сите брзо би се имунизирале, за жал на вакциналните фанатици. Сите други сценарија се загрижувачки, но и поверојатни“, потенцира проф. Пановски.
Сите експерти се сложни дека новиот сој треба да се следи и дека засега не постојат никакви информации што би можеле посебно да загрижуваат.
“Кога ги следиме неговите мутации – а има маса на мутации во однос на други соеви – тој е комбинација на мутации што ги наоѓаме во различни други опасни соеви кои се следеле. Омкрон има 15-тина мутации шро ги дели со други соеви, но има и 20-тина нови мутацции за кои не знаеме за што служат“, објаснува познатиот хрвтаски имунолог Златко Тробоњача.
Според него, омикрон сојот има некој потенцијал да биде високо пренослив или имуноевазивен со оглед на мутациите што ги носи, но дали тоа така ќе се покаже во пракса, проф. Тробоњача е со ист став како проф. Пановски дека сето ова допрва ќе се види.
“Важна е и една трета категорија на вирусот во оваа епидемија, а тоа е колкава е тежина на болеста што ја предизивикува. Првите податоци покажуваат дека овој сој не предизвикува потешка клиничка слика, напротив дека предизвикува поблага клиничка слика во која доминираат заморот и главоболката“, објаснува имунологот.
