Истражување кое го спровеле научниците од Германскиот центар за невродегенеративни болести во Тубинген, покажало дека со анализа на крвта може да се предвиди прогресијата на болеста и невродегенерацијата на мозокот во многу рани фази на Алцхајмеровата болест.
Имено, се покажало дека нивоата на серумскиот неврофиламентен лесен синџир (NfL) корелирале со нивоата на цереброспиналната течност (CSF) и биле зголемени во пред-симптоматските фази на Алцхајмеровата болест. До 16 години пред појавата на симптомите на деменција, дошло до забележливи промени во крвта.
Се смета дека овие резултати допринесуваат на се поголемиот број на докази коии упатуваат на тоа дека неврофиламентот на лесниот синџир (NfL) може клинички да се користи како биомаркер за Алцхајмеровата и други невродегенеративни болести.
Високите нивоа на NfL може да бидат знак за многу различни невролошки болести и повреди. Кога невроните на мозокот се оштетени или изумираат, се ослободува NfL протеин, кој потоа доспева во церброспиналната течност и во крвта.
