Секому му се случило да проба некоја ’расипана намирница’, но дали знаете дека постои храна која не смее ни да се лизне ако и истекол рокот на траење.
Постојат четири рока на траење кои можат да се најдат на некој производ, а тоа се:
- рок до кој производот мора да се продаде (го користат и производителите и продавачите),
- рок до кој производот мора да се употреби (го користат продавачите и потрошувачите),
- рок до кој би било најдобро да се употреби производот (го користат потрошувачите),
- рок на затворање на можноста за употреба (го користат произведувачите).
Штом го разјаснивме ова, би требало да се напомене дека ниту еден од овие датуми не прецизира дали храната после одредениот датум е расипана или не. Сепак, постојат намирници кои ни случајно не би требало да ги јадете после датумот назначен на пакувањето.
Никулци од луцерка (детелина)
Мошне се здрави, но мошне е важно да се употребат брзо по купувањето затоа што се магнет за бактерии. Дури и може да содржат повеќе микроби од зелениот зеленчук, особено ако ги чувате надвор од фрижидер. Доколку сепак ги изедете, ризикувате да добиете силно труење и да завршите на болничко лекување.
Месни деликатеси
Можат да бидат заразени со ешерихија коли и листерија, дури и кога се мисли дека се свежи. А за оние на кои им истекол рокот на траење не би требало ни да се зборува. Ако изедете расипан деликатес, може директно да го заразите дигестивниот тракт со некоја од овие бактерии, а лекувањето на истите е тешко затоа што се упорни и се враќаат после третманот со антибиотици. Кога ќе ја нарушите слузокожата на цревата мошне тешко е повторно да ја опоравите.
Мешан зеленчук
Иако за него е познато дека е најбезбедната храна, ни неа не смее да ја користите по истекувањето на рокот на пакувањето. Доволно е да внесете мало количество расипан зеленчук и вашиот организам ќе изреагира еднакво како и на некои опасни бактерии. Ви се закануваат повраќање и дијареја.
Јајца
Иако се полни со протеини јајцата можат да бидат многу опасна намирница. Познато е дека овој производ е погоден за множење на бактеријата салмонела и дека истата таа бактерија може да се убие само на висока температура. Некои стручњаци дури тврдат дека не постои можност салмонелата да се отстрани доколку веќе се развила во јајцето. Во секој случај бидете внимателни за да не дојде до тешко труење на организмот.
Остриги
Сите морски плодови би требало да се употребат со рокот означен на пакувањето. После термичката обработка конкретно остригите можат да стојат и по неколку дена во фрижидер. Сепак, она на што би требало да посветите внимание е нивниот мирис и слузта кога ќе ги отворите. Ако слузта се растегнува тогаш најдобро е таквите остриги да не ги користите, затоа што може да се контаминирани со бактерии.
Шкампи
И овој производ е „лепак“ за бактерии. Заради тоа е мошне важно да го употребите непосредно после купувањето, само така не ризикувате. Шкампите не се разликуваат многу од остригите и можете по нивната слуз да сфатите дали се расипани.
Свежо мелено месо
Ешерихијата коли е чест жител на производите од месо, па затоа особено би требало да се обрне внимание за ваквите намирници. Дури и во доволно обработеното месо може да се најде оваа опасна бактерија, која тешко се лекува и може прилично да го исцрпи организмот. Затоа бидете внимателни и искористете го месото во рок.
Свежо зрнесто овошје
Ова овошје привлекува големо количество циклоспори, а нив сигурно сакате да ги одбегнете затоа што доведуваат до тешки мачнини, дијареи, трески и висока температура. Ако се отруете со ова овошје, ќе морате многу да направите за да го опоравите организмот, а тоа не е лесно.
Меки сирења
Меките сирења како што е бри се добра подлога за голем број микроби затоа што по природа се повлажни од цврстите сирења. Во ваквите производи покрај бактериите се гнездат и размножуваат и габи. Неопходно е да ја проверите свежината на сирењата пред употребата, затоа што ако дојде до труење на организмот лекувањето е исклучиво болничко со силни антибиотици, инфузија, па во крајна линија и со трансфузија на крв.
