Многу производи за нега ветуваат дека ќе ги избришат трагите од уморот и знаците на стареење на кожата, како и дека на лицето ќе му го вратат свежиот младешки изглед. Меѓутоа, дерматолозите предупредуваат дека одделни прозиводи би требало да се исфрлат од употреба или, пак, нивната употреба да им се препушти на професионалци.
За почеток треба да се одбегнуваат луфите, сунѓерите и четките за чистење на лицето, со оглед на тоа дека станува збор за премногу абразивни предмети кои можат да ја иритираат кожата. Доколку овој прибор се одржува несоодветно со текот на времето може да стане расадник на бактерии што може да предизвика само дополнителни проблеми, особено доколку имате проблематична или чувствителна кожа.
“Проблематични” производи се и кремите со колаген, кои, според некои стручњаци, се неделотворни, бидејќи молекулите на колагенот се преголеми и кожата не може да ги впие. И абразивните пилинзи за лице би требало, исто така, да се одбегнуваат, бидејќи нивната честа употреба може да ја иритира кожата и да предизвика хиперпигментација.
Кога станува збор за хемиските пилинзи, дерматолозите предупредуваат дека оваа процедура не би требало да се спроведува во домашни услови поради ризик од појава на алергии, црвенила, претерано лупење на кожата, па дури и појава на белези и дисколорација.
Третманите со микроиглички, исто така, би требало да им се препуштат на професионалците. Во последно време се повеќе се зборува за дермаролери со микроиглички, кои можат да се користат и во домашни услови со цел отстранување на лузни и брчки со поттикнување на производство на колаген. Сепак, дерматолозите предупредуваат на ризикот од појава на инфекции и можни нарушувања на фунциите на кожната бариера при домашна или несоодветна употреба на дермаролери.
