Кога новиот коронавирус ќе ги зарази клетките, не само што ја ослабува нивната активност, туку може да ја промени и нивната функција, покажува ново откритие на америкаснките научници.
На пример, кога бета клетките во панкреасот, кои произведуваат инсулин ќе се заразат со вирусот, не само што произведуваат многу помалку инсулин од вообичаено, туку почнуваат да произведуваат глукоза и дигестивни ензими, што не е нивна работа, откриле научниците.
“Тоа го нарекуваме промена на клеточната судбина“, вели авторката на студијата д-р Шубонг Чен, која го опишала своето откритие во презентацијата на минатонеделниот годишен состанок на Европското здружение за проучување на дијабетесот.
Не е јасно дали промените се долготрајни или би можело да бидат реверзибилни, истакнуваа претходно други експерти во научен труд објавен во списанието Cell Metabolism.
Д-р Чен воочила дека некои лица кои прележале КОВИД-19, развиле дијабетес кусо по инфекцијата.
“Секако е вредно да се истражи стапката на заболени од дијабетес во оваа пандемија со КОВИД-19“, вели таа.
Нејзиниот тим експериментирал со коронавирусот во групи клетки наречени мини-органи или органоиди кои наликуваат на бели дробови, црн дроб, црева, срце и нервен систем.
Нивното откритие укажува на тоа дека губењето на клеточната функција може да се појави и во ткивото на белите дробови, потенцира д-р Чен.
