Иако генетиката, како мутацијата на BRCA генот има улога во тоа кој е изложен на поголем ризик од рак на дојка, треба да се истакне дека и секојдневниот начин на живот, исто така има улога во појавата на карциномот.
Резултатите од нова студија, објавени во JAMA Oncology покажале дека некои специфични мерки може потенцијално да спречат и до 29% од сите случаи на карцином на дојката. И тоа, избегнување алкохол, непушење, одржување на нормална телесна тежина по менопаузата и избегнување на хормонска надомесна терапија.
Се смета дека овие препораки може да бидат од најголема помош на жените со висок ризик од рак на дојка поради факторите кои не може да се променат, како што се генетиката и нивната возраст кај правата менструација и менопаузата.
