Повеќето жени не придаваат голема важност на градите, а би требало, бидејќи токму тие откриваат многу за здравјето. Најчеста причина за растење на градите е дебелеење, бидејќи градите воглавном се составени од масно ткиво. Други причини може да бидат бременост, употреба на лекови за контрацепција или хормонални пореметувања. Во секој случај, нема причина за загриженост. Ако ви се случува спротивното, па вашите гради се намалуваат, веројатно сте изгубле на тежина или ви паѓа нивото на естроген. Доколку притоа имате и акни и зголемена влакнетост, можеби станува збор за полицистични јајници. Причина може да биде и премногу кафе. Студија направена во Велика Британија покажала дека консумирање три шолји кафе на ден може да ги намали млечните канали.
ДНК го одредува обликот на градите, но со време тој се менува.
„Обликот и изгледот на градите во голема мера зависат од годините и се менуваат по породување и доење„, истакнува хирургот Даниел Маман.
Со текот на времето лигаментите се истегнуваат, сврзното ткиво пука, а кожата ја губи еластичност. Да не дојде до деформирање на градите, потребно е да носите квалитетен и соодветен градник и да избегнувате ригорозни диети бидејќи осцилациите во тежината ги растегнуваат градите.
- За време на менструалниот циклус, градите може да ви делуваат чудно заради хормоналните промени кои може да предизвикаат бенигни цисти исполнети со течност. Овие фиброцистични промени се нормални. Причина за загриженост има само ако се појават топчиња под пазувите или кај брадавиците кои стануваат чувствителни, па дури и болни на допир. Како и секогаш, кога сте загрижени, посоветувајте се со лекар.
- Иако некои студии ги поврзувале големите гради и поголемиот ризик од рак на дојка, нема доволно докази и нема причини за загриженост.
- Долг е списокот на болести кои може да предизвикаат болки во градите, а повеќето од нив се бенигни. Главни причини најчесто се хормоналните промени или премногу кофеин. Причини исто така може да бидат и ПМС, лош градник и носење тешка чанта преку едното раме.
- Болки во градите предизвикува и недостаток на железо, кој го регулира хормонот на штитната жлезда.
- Зголемени брадавици се нормални ако ги имате од секогаш. Но, ако забележите дека се зголемиле итно отидете на лекар, бидејќи рак на дојка е еден од причините за зголемени брадавици.
- Исцедок до брадавица исто така не е необична појава, но може да сигнализира некаква промена. Ако имате исцедок од двете гради, веројатно станува збор за хормонален проблем предизвикан со покачено ниво на пролактин. Исцедокот може да биде и симптом за бременост. Но, ако имате исцедок само од едната града, или крвав исцедок, обратете се на лекар.
