Научниците откриле кој стероиден хормон е најстар. Се покажало дека тоа е женскиот полов хормон – естрогенот, за кој се претпоставува дека постои повеќе од 450 милиони години, низ многу сопствени модификации.
Неговата сегашна улога во диференцирањето на половите настанала многу подоцна по неговото создавање, тврди Џое Тортон од Колумбија универзитетот, автор на студијата објавена во списите на Националната академија за наука. Ова откритие става точка на еволутивната загатка, објаснувајќи го создавањето на новите хормони и останатите молекули како делови на комплексниот биолошки систем, истакнува авторот.
Стероидните хормони се пресудни за голем дел од биолошките процеси, но нивното еволутивно потекло претставувало мистерија. Некои од нив се половите хормони – естрогенот, тестостеронот и прогестеронот, како и адреналните хормони кортизол и алдостерон, кои го регулираат однесувањето, имунитетот и одговорот на организмот на стрес и надворешните влијанија.
Моделот на нивната еволуција има практична примена за научниците кои ги проучуваат хуманите рецептори кои ги контролираат битните аспекти на развој и заболувања на човекот, заклучува авторот.
