Научниците од Универзитетот Нортвест откриле дека нашите клетки сами можат да уништат, односно имаат своевиден „код за самоуништување“ кој само треба да се активира. Се верува дека настанал во дамнешни времиња, пред 800 милиони години, за човековиот род да го штити од болести. Тогаш е вграден во рибонуклеинската киселина – РНК.
Моментално, кога тие клетки ќе почувствуваат дека мутираат во рак, го активираат „кодот за самоуништување“, но често се немоќни кај агресивните видови тумори. Во тој случај вештачки се поттикнуваат со помош на лекови, но тоа има одредени нуспојави.
Научниците истражуваат како да управуваат со нив во иднина и да ги насочат во поголем број на уништување на опаките болести. Велат дека тој код е присутен во сите клетки, па така и во оние кои се малигни.
Ако успеат во тоа, тоа би можело да значи крај на исцрпувачките хемотерапии со кои сега се уништуваат, а имаат непријатни нуспојави.
„Сега знаеме дека во клетките постои код за самоуништување и би можеле да го помрднеме и така да ги одбегнеме хемотерапиите или интервенцијата во геномите. Би можеле да ја користиме таа мала РНК, да ја пуштиме во клетката на туморот, па да го стиснеме копчето за самоуништување“, објаснил Маркус Е. Питер, стручњак за метаболизам на карциномите и главен автор на студијата кој има визија како да се дојде до тоа кодот да се контролира, односно да го активираме по потреба.
„Кога би можеле синтетички да го удвоиме, лесно би можеле да станеме многу посилни. Цел не ни беше да откриеме нова хемиска супстанца, туку да ја следиме природата и да го употребуваме она што го создала. Врз основа на ова истражување би можеле да направиме вештачка микро РНК, но многу посилна во уништувањето на карциномот од онаа што ја создала природата“, рекол овој стручњак.
