Многумина часови поминуваат седејќи пред компјутерскиот екран, а потоа и на кревет… Но можеби поинаку би постапувале кога би биле свесни колку е тоа лошо за здравјето…
Сите веќе знаат дека повеќечасовното седење не е добро за здравјето, а едно ново истражување покажува дека го забавува дотокот на крв до мозокот, што може да има потенцијални последици на долгорочното здравје. Поточно намалениот проток на крв може да влијае на когнитивните функции и го зголемува ризикот од невродегенеративни болести, како Алцхајмер. За среќа, одењето од само по две минути на секои половина час седње може тоа да го спречи и да ја подобри циркулацијата.
Истражувачите од Универзитетот Џон Мурс во Ливерпул ги анализирале навиките во седење на 15 канцелариски работници во три одвоени случаи. Во секој случај е следен протокот на крв низ средната церебрална артерија што директно доаѓаат до мозокот.
Во првиот експеримент учесниците седеле четири часа без станување, освен заради потребата од одење во тоалет. Во вториот на секои 30 минути енергично шетале по две минути. Во третиот експеримент, оделе по осум минути на секои два часа. Во првиот и третиот експеримент протокот на крв бил намален, кога активноста била минимална или на секои два часа, но циркулацијата била значително подобра кај оние кои имале редовна активност, односно оделе по две минути на секој половина час.
Софи Картер, авторка на студијата, вели дека оваа студија ја истакнува потребата од куси прошетки на секои половина час, ако седите подолго.
„Само честите двоминутни прошетки имаат ефект на спречување на намалената циркулација на крв до мозокот“, вели таа.
