Депресијата денес се смета за епидемија која се шири незапирливо во се покомплицираното опкружување на модерниот свет, а стручњаците велат дека не мора секогаш веднаш да се посегнува по апчиња, туку таа може да се реши и со храна.
Нутритивната психијатрија е гранка на медицината чие време допрва доаѓа, а д-р Дру Рамсеј е еден од нејзините предводници. Тој се бори со храната против депресијата. Овој психијатар и професор на Универзитетот Колумбија својот работен век го посветил на проучување на влијанието на храната на психата.
Една од неговите омилени намирници се школките и често ги препишува на пациентите кои се борат со депресија. Тие изобилуваат со витаминот Б12 за кој научно е докажано дека добро влијае на мозокот, а богати се и со омега-3 масни киселини, чиј недостаток во организмот е поврзан со висок ризик за развој на депресија.
“Мозокот е најсложениот орган во телото и орган кој троши најмногу енергија. За да остане здрав, мора да му се обезбедат нутриенти“, објаснува д-р Рамсеј. Тој на своите пациенти покрај антидепресиви и останати лекови, им препишува и терапија со храна.
“Нашата студија покажа дека мозокот кај лицата кои се хранат со медитеранска исхрана е помлад, и со волумен, и метаболички е поактивен од мозокот на лицата кои јадат западњачки. Не постои еден начин на исхрана за сите луѓе, но сите треба од дневното мени да исфлиме преработена храна, да ја намалиме консумацијата на месо и млечни производи, а да ја збогатиме со свежо сезонско овошје и зеленчук, масна риба, полнозрнести житарки и мешунки – сите оние намирници кои го намалуваат ризикот од развој на деменција и соатанти дегенеративни болести на мозокот кои доаѓаат со стареењето“, објаснува професорот.
Тој советува исхрана во “боја на виножитото“, односно чинии полни со намирници во живо бои како пиперка, сладок компир, кељ, домат, боровница. Овие намирници се полни со фитонутриенти и помагаат во намалување на воспаленијата во телото и поттикнуват создавање на нови клетки, особено клетки во мозокот во текот на зрелите години.
