Според последните проценки на Светската здравствена организација, просечната смртност кај заболени од КОВИД-19 е 0,6 проценти. Тоа го прави новиот коронавирус шест пати посмртоносна болест отколку сезонскиот грип. Според зборовите на епидемиологот д-р Марија Ван Керхов “можеби тоа не звучи многу, но сепак тоа е висока смртност бидејќи убива еден од 167 заболени“.
Службените податоци говорат дека од почетокот на пандемијата со коронавирусот, починале 700.000 лица од 18,200 милиони, но според проценките, таа бројка е многу поголема, односно околу 115 милиони, а во тој случај смртноста изнесува 0,6 проценти.
За стручњаците е голем предизвик да се процени стапката на смртност од новиот коронавирус, бидејќи е сигурно дека кај сите заразени болеста не е докажана, што значи и дека сите смртни случаи од КОВИД-19 не се евидентирани.
Светската здравствена организација својата пресметка за смрноста од 0,6 проценти ја темели на проценката од 115 милиони заразени, како и смртен исход кај 700.000 лица.
