Со помош на проценка на крутоста на артериите може да се предвиди ризикот од развој на деменција, укажува студијата што ја спровеле американските научници од Универзитетот Питсбург.
За време на истражувањето, на испитаниците во студијата им била мерена вредноста на каротидно-феморалната брзина на пулсниот бран. Испитаниците биле следени 15 години.
Утврдено е дека вредностите на каротидно-феморалната брзина на пулсниот бран значајно се поврзани со зголемениот ризик од деменција.
Повисоките вредности на овој пулс исто така биле поврзани со нискиот интензитет на телесната активност, повисокиот систолен притисок, поголема брзина на отчукување на срцето и поголем обем на половината.
