Нутриционистката Џес Кординг за Women’s Health објаснува кои се најдобрите намирници за согорување калории кои можете да ги консумирате без грижа на совеста:
Пилешко и мисиркино
Овие протеини даваат долготрајно чувство на ситост и долго после нивното консумирање нема да имате желба нешто да „грицнете“. Одличен извор се на трипроган, кој му претходи на создавањето на невротрансмитерот серотонин.
„Ако не сте добро расположени или сте под стрес, важно е да се поттикне производството на серотонин за да се направи рамнотежа во расположението, да се намали емоционалното прејадување и да се спречи „грицкањето“ заради стрес, особено ако се обидувате да ослабете“, вели Кординг.
Јаткасти плодови и путерот од нив
„Јаткасите плодови се полни со здрави масти, влакна и протеини, што е совршена комбинација за одржување на енергијата и ситоста“, вели Кординг. Доста се калорични, па ќе се заситите со рака јаткасти плодови или само неколку лажици путер од нив (на пример, од бадеми, кикиритки и сл.). Некои од нив, како оревите, во исхраната ќе додадат и омега-3 масни киселини кои помагаат во намалувањето на воспаленијата во организмот.
Јајца
Уште еден одличен извор на протеини и здрави масти, а Кординг вели дека тие помагаат во одржувањето на мускулната маса додека согорувате масти. Имаат и колин, спојка која помага за здравјето на мозокот како и ДХА (докосахексаеноична киселина) која делува антивоспалително. Едно поголемо јајце содржи 70 калории, па затоа и лесно може да се контролираат порциите.
Млеко, јогурт и сирење
Млекото нуди големо количество на калциум кој ги гради коските (300 мг) и животински протеини (8 грама), а не мора да ги одбирате само оние со низок процент на масленост за да уживате во нив. „Иако ќе внесете малку повеќе калории, повеќе ќе се најадете од нив“, вели Кординг. „Дури и подобро ќе ги апсорбирате хранливите материи, вклучително и витамините Д и А, ако ги одбирате оние помасните“, продолжува. Дополнително пробиотиците од јогуртот ќе и помогнат на функцијата на целиот организам и на дигестијата и ќе го зајакнат имунитетот.
Зрнесто овошје
Со оглед на тоа дека се полни со влакна овие слатки зрна ќе помогнат во одржувањето на ситоста и ја намалуваат желбата за храна додека сте во фаза на топење на масните наслаги. На пример, во една рака боровинки ќе добиете помалку калории (cca 84), а повеќе влакна (3.6 g) отколку во една голема банана. Делуваат антивоспалително и полни се со антиоксиданти што помага и за одржувањето на имунитетот.
Авокадо
„Одлична комбинација на мононезаситени масти и многу влакна кои помагаат за чувството на ситост“, вели Кординг. Исто така, е добар извор на калиум, кој го спречува задржувањето на водата во телото и надуеноста, се што е добредојдено во процесот на слабеење. Доста е калорично, па доволна е само половина порција.
Масни риби
Лосос, туна, скуша – се се ова риби кои ќе помогнат во изградбата на мускулите и ја одржуваат ситоста. Лососот е полн со омега-3 масни киселини кои помагаат во намалувањето на воспаленијата и согорувањето на мастите.
Грејпфрут
Овој агрум е подобар од сокот од портокал затоа што помага во регулирањето на шеќерот во крвта и има куп влакна, околу 3 грама во една овошка од 80 калории. Со оглед на тоа дека има малку калории може да се консумира меѓу оброците без страв од дебелеење. Полн е и со витамин Ц и бета каротен кој е одличен за имунитетот.
Чили пиперчиња
Капсаицинот, составниот дел од чили пиперчињата што им ја дава лутината, се покажал како одлична помош во слабеењето затоа што лесно го забрзува метаболизмот. „Нема претерано да помогне во согорувањето на мастите, но ќе го потпомогне метаболизмот во процесот на слабеење“, вели Кординг.
Темен листест зеленчук
Полн е со железо кој го поттикнува протокот на кислород низ телото. Со тоа може да помогне и во максимизирањето на текот и резултатите од вежбањето, како и во согорувањето на мастите.
